1984 കാലഘട്ടത്തില്‍ എറണാകുളത്ത് ചില ഓട്ടോമൊബൈല്‍ വര്‍ക്ക്ഷോപ്പുകാര്‍ ശ്രീ മാത്യു കട്ടപ്പുറത്തിന്‍റെ നേതൃത്വത്തില്‍ ഒത്തുകൂടുകയും വര്‍ക്ക്ഷോപ്പുകാര്‍ക്ക് ഒരു സംഘടന ഉണ്ടാക്കണമെന്ന് തീരുമാനിക്കുകയും ചെയ്തു. അതിന്‍റെ ഫലമായി 1984-ല്‍ എറണാകുളത്തെ മേഴ്സി ടൂറിസ്റ്റ് ഹോമില്‍വച്ച് ആദ്യയോഗം കൂടുകയുണ്ടായി. പ്രവര്‍ത്തന സൗകര്യാര്‍ത്ഥം 12 പേര്‍ അടങ്ങുന്ന ഒരു ഗവേണിംഗ് ബോഡി രൂപവത്കരിച്ചു. 1984 മേയ് മാസം 14ന് വൈകുന്നേരം 7 മണിക്ക് കൊച്ചിന്‍ ടൂറിസ്റ്റ് ഹോമില്‍വച്ച് ശ്രീ. മാത്യു കട്ടപ്പുറത്തിന്‍റെ അദ്ധ്യക്ഷതയില്‍ യോഗം കൂടുകയും അതില്‍ 16 പേര്‍ പങ്കെടുക്കുകയും ചെയ്തു.